Anfadwaith - Llŷr Titus

"Cyfraith a threfn ydi pwrpas y Gwigiaid byth ers i'r Derwyddon eu tynnu i'r byd ac er bod y rheiny'n hen hanes erbyn hyn, mae rhai o'r Gwigiaid yn dal i grwydro'r teyrnasoedd yn chwilio am droseddwyr. Er bod Ithel wedi gweld pob math o bethau rhyfedd ac ofnadwy, mae eu hachos diweddaraf y tu hwnt i hynny i gyd ac mae rhywrai, neu rhywbeth, wrthi'n cynllwynio yn y cysgodion. All Ithel ac Adwen ddod at wraidd pethau cyn ei bod hi'n rhy hwyr? Ar daith beryglus mae'r Gwigyn a'r porthmon yn dod i ddeall ei gilydd yn well ac yn dysgu bod mwy nag un math o anfadwaith ar ben y daith."